Þórdís Kolbrún R. Gylfadóttir utanríkisráðherra segist vona og vita að Sameinuðu þjóðirnar sendi mikilvæg skilaboð til kvenna og í Íran, og þeim sem hætta lífi sínu í Íran, með því að setja á fót sjálfstæða rannsóknarnefnd. Ályktun Íslands og Þýskalands þess efnis var samþykkt í dag.

Nefndin mun safna gögnum um byltinguna sem á sér nú stað í Íran og hefur staðið yfir síðan í september. Stjórnvöld þar í landi hafa virt mannréttindi að vettugi og ráðist að mótmælendum en á þriðja hundrað hafa látist í átökunum.

Frétt af mbl.is

Ályktun Íslands og Þýskalands samþykkt

„Líður nokkuð vel með daginn með það í huga“

„Þarna fær þetta fólk [mótmælendur] sterk skilaboð frá alþjóðasamfélaginu um að við stöndum með þeim og ætlum ekki að horfa upp á þennan hrylling heldur grípa til aðgerða. Mér líður nokkuð vel eftir daginn með það í huga.“

Lykilatriði sé að gagnanna sé aflað með réttum hætti og að hægt sé að nýta þau til þess að draga menn til ábyrgðar. Það verði einkum utan lögsögu Írans, enda sé ekki hægt að gera sér væntingar um að íranskt réttarkerfi taki slíkt að sér.

„Skilaboðin sem við sendum út, fyrst og síðast til fólksins í Íran, skipta mjög miklu máli. Viðbrögðin hafa verið eftir því líka.“ 

Tengdar fréttir

Mótmæli í Íran

34 kvenkyns fangar í hungurverkfall

• Meina fjölskyldu Amini að yfirgefa Íran
• ESB verðlaunar Amini ári eftir dauða hennar
• „Sögulegt og magnað augnablik“
• Mohammadi hlýtur friðarverðlaun Nóbels

» Fleiri tengdar fréttir

• 1 blogg um fréttina

Bloggað um fréttina

• Bjarni Gunnlaugur Bjarnason: Sýrland nokkuð gleymt?