Þarf að styrkja varnir landsins

„Það er gríðarlega mikilvægt fyrir Ísland að við séum meðvituð um hvað þessi mál eru að breytast mikið,“ segir Njáll Trausti Friðbertsson, þingmaður og formaður Íslandsdeildar NATO-þingsins, en hann var aðalhöfundur skýrslu um tækniþróun í hernaði á ársfundi þingsins í Madrid um þarsíðustu helgi.

Helstu niðurstöður skýrslunnar eru þær að framtíð öryggis- og varnarmála verði einkum drifin áfram af tækniþróun, sem sé nú þegar farin að hafa áhrif á framvindu hernaðar. Tæknin sem sé í þróun muni gera heri tengdari, greindari og meira á hinu stafræna sviði. Nú þegar megi sjá þess dæmi í Úkraínustríðinu.

Njáll Trausti segir að Íslendingar þurfi að bregðast við þessari þróun með því að efla þekkingu okkar innanlands og tengslin við nágrannaþjóðirnar. „Þá þurfa aðildarþjóðirnar í Atlantshafsbandalaginu ásamt vinaþjóðum okkar í norrænu ríkjunum að styrkja þekkingu og varnir landsins, því þetta eru grundvallarmál sem við erum að ræða og munu hafa gríðarleg áhrif á öryggis- og varnarmál í framtíðinni.“ 

Lesa má meira um málið í Morgunblaðinu í dag.