Sólborg valin framúrskarandi ungur Íslendingur
Setja bókamerki
Sólborg Guðbrandsdóttir var valin framúrskarandi ungur Íslendingur árið 2022 í gær fyrir framtak sitt á sviði menntamála.
Tíu Íslendingar voru tilnefndir til verðlaunanna. Á hátíðlegri samkomu í gær veitti forseti Íslands Guðni Th. Jóhannesson Sólborgu verðlaunin ásamt forseta JCI-hreyfingarinnar, Ríkey Jónu Eiríksdóttur.
Sólborg hefur einbeitt sér um árabil að því að fræða ungt fólk um kynlíf, samskipti og fordóma og hélt úti Instagram-síðunni Fávitar á árunum 2016-2020.
Hún hefur einnig skrifað bækurnar Fávitar og Aðeins færri fávitar og Fávitar og fjölbreytileikinn, en sú síðasta kom út núna í október. Hún hefur einnig haldið fyrirlestra í grunnskólum og framhaldsskólum landsins.
Í dómnefnd voru Þórunn Eva Pálsdóttir, framúrskarandi ungur Íslendingur ársins 2021, Eyvindur Elí Albertsson, verkefnisstjóri hjá Reykjavíkurborg og senator JCI, Geir Finnsson, forseti LUF, Ragnhildur Helgadóttir, rektor Háskólans í Reykjavík og Ríkey Jóna Eiríksdóttir, landsforseti JCI 2022.
Fjöldi ungs fólk hefur hlotið titilinn í þau tuttugu ár sem verðlaunin hafa verið veitt og má þar nefna Katrínu Jakobsdóttur forsætisráðherra, Emelíönu Torrini söngkonu, Ævar Þór Benediktsson rithöfund og Sævar Helga Bragason.
Par flutt á bráðamóttöku eftir árás
Greiningarmiðstöð hluti af 13 landamæraaðgerðum
110 milljónir í stöðu prófessors
„Mjög bagalegt“ að klára ekki málið
Unnu eftir kröfugerð sem lögð var fram í upphafi
Óeðlilegt að sama gjald verði tekið óháð þyngd
Mjög dýrt að tryggja landamærin
Allt frá nokkrum tímum upp í viku í nýrri miðstöð
