Ný farþegaspá Isavia fyrir næsta ár gerir ráð fyrir að 2,2 milljónir ferðamanna muni þá koma til landsins, en einungis metárið 2018 hefur verið stærra í fjölda ferðamanna talið. Gangi spáin eftir mun því 95% af fjölda metársins 2018 koma til landsins árið 2023. Þetta kom fram á kynningu Isavia í morgun.

Spáin gerir jafnframt ráð fyrir að 7,8 milljónir farþega muni fara um flugvöllinn á næsta ári, en það yrði þriðja stærsta árið í sögu flugvallarins.

Samanborið við árið 2019 eru allir mánuðir áætlaðir stærri ef fráskildir eru fyrstu þrír mánuðir ársins. Þá munu haust og vetrarmánuðir stækka sem vinnur á árstíðabundnum sveiflum í atvinnugreininni en sumarið verður þó alltaf vinsælasti tíminn til þess að heimsækja Ísland. 

Tengdar fréttir

Ferðamenn á Íslandi

Farþegum fjölgaði um 12%

• Eyfellingar mótmæla áformum um hótel
• Stórfelld uppbygging áformuð við Holtsós
• Ferðamaður sem slasaðist þakkaði fyrir sig
• Stórkostlegt bónorð í Mýrdalsjökli

» Fleiri tengdar fréttir

• Blogga um frétt