Þórunn Sveinbjarnardóttir, formaður stjórnskipunar- og eftirlitsnefndar, segir það ekki útilokað að nefndin fái til sín fleiri gesti í tengslum við umfjöllun nefndarinnar um skýrslu Ríkisendurskoðunar um sölu á hlut ríkisins í Íslandsbanka.

„Það er alveg opið á þessari stundu, það er ekkert ákveðið en það er allt opið,“ segir Þórunn í samtali við mbl.is.

Frétt af mbl.is

„Eins og að fara með rangt barn heim af róló“

Guðmundur Björgvin Helgason ríkisendurskoðandi sat fyrir svörum nefndarinnar í gær, ásamt Jarþrúði Hönnu Jóhannsdóttur sviðsstjóra. Áður höfðu fulltrúar Bankasýslunnar komið á fund nefndarinnar sem og Bjarni Benediktsson fjármálaráðherra og fleiri.

Þórunn vill ekki tjá sig um heimsókn ríkisendurskoðanda í gær til stjórnskipunar- og eftirlitsnefndar, enda tjái hún sig ekki um einstaka heimsóknir til nefndarinnar á meðan skýrslan er þar á borði og til umræðu.

Frétt af mbl.is

„Farsælasta hlutafjárútboð Íslandssögunnar“

„Við gerum það  yfirleitt ekki í neinni nefnd hér á þingi. Málin eru bara þar inni og við ræðum þau þar,“ segir Þórunn.

„Staðan er einfaldlega þannig að skýrsla Ríkisendurskoðunar er á borði nefndarinnar og enn þá þar til umræðu. Þær ákvarðanir sem eru teknar um umfjallanir og annað eru teknar í nefndinni og á endanum verður skrifað álit eða fleiri álit og þau skila í raun sjónarmiðum nefndarinnar um skýrslu ríkisendurskoðanda.“

Tengdar fréttir

Sala á hlut ríkisins í Íslandsbanka

Selja Íslandsbanka og gefa almenningi forgang

• Stefnt að afgreiðslu Íslandsbankasölu á vorþingi
• Íslandsbanki verði seldur á árinu
• Ekki eins og jólasveinn á hreindýrssleða
• Fresta sölunni á Íslandsbanka

» Fleiri tengdar fréttir

• Blogga um frétt