Framtíð Rokksafns Íslands í óvissu

Til athugunar er að flytja Bókasafn Reykjanesbæjar í núverandi húsnæði Rokksafns Íslands í Hljómahöll.

Jafnframt verður athugað hvort hægt verður að flytja safnmuni rokksafnsins í annað húsnæði, í heild eða að hluta eða halda hluta safnsins áfram í núverandi húsnæði. Ef af flutningi bókasafnsins verður og ekki finnst annað hentugt húsnæði verður rokksafninu væntanlega pakkað saman og sett í geymslu.

Kjartan Már Kjartansson, bæjarstjóri Reykjanesbæjar, leggur áherslu á að ekki hafi verið tekin ákvörðun í málinu. Bæjarstjóra og öðrum starfsmönnum bæjarins hafi verið falið að athuga hvort þessi hugmynd sé góð og framkvæmanleg. 

Nánar er fjallað um málið í Morgunblaðinu í dag.