„Nema þú skilgreinir fyrir mig hvað er frétt“
Urður Egilsdóttir
Setja bókamerki
„Þetta er ekki eyrnamerkt einum fjölmiðli eða eitthvað slíkt. Við vorum ekki að biðja um þetta fyrir eitt fyrirtæki,“ segir Jón Steindór Árnason, stjórnarformaður N4, í samtali við mbl.is um 100 milljón króna styrk til fjölmiðla á landsbyggðinni sem framleiða eigið efni fyrir sjónvarpsstöð.
N4 lagði fram beiðni fyrir fjárlaganefnd Alþingis 1. desember þar sem lagt var til að þessi upphæð yrði veitt sem styrkur. Meirihluti nefndarinnar samþykkti síðan þá tillögu.
Jón segir að miðillinn hafi sent beiðni til fjárlaganefndar vegna erfiðrar stöðu sem miðillinn sér fram á í rekstri einkarekinna fjölmiðla. „Það risti ekki dýpra en það.“
Ekki búið að útfæra styrkinn
Spurður hvort honum finnist ekkert athugavert við það, að með styrknum fengi N4 líklega stærsta styrk allra einkarekinna fjölmiðla á landinu, segir Jón að erfitt sé að tjá sig um það.
Hann bendir á að það sé ekki búið að útfæra styrkinn á neinn hátt.
„Það eru í raun bara getgátur ef maður ætlar að reyna að geta sér til um hvernig þessu verður öllu skipt. Þetta er alveg óútfært,“ segir Jón en það er menningar- og viðskiptaráðherra að úthluta styrknum.
Hann segir að, ef að styrknum verði, þá verði vonandi auðveldrara að framleiða efni í fjölmiðlum á landsbyggðinni, sérstaklega fyrir sjónvarp.
„Það hlýtur að vera fagnaðarefni,“ segir Jón.
„Hvað er frétt“
Enginn starfsmaður N4 er titlaður sem ritstjóri, og þá ber heldur enginn titilinn fréttamaður.
Lítið þið samt á ykkur sem fréttamiðil?
„Það er svolítið erfitt að svara fyrir það nema þú skilgreinir fyrir mig hvað er frétt,“ segir Jón og bendir á að hann skipti sér ekki af rekstri fyrirtækisins þar sem hann sé stjórnarformaður í félaginu.
María Björk Ingvarsdóttir, framkvæmdastjóri N4, var ekki laus í viðtal við mbl.is í dag en beiðnin til fjárlaganefndar er frá henni komin.
„Þetta er ríkisstjórn almannahagsmuna“
„Hagræðingarmál eru í fyrsta sæti“
Ellefu skjálftar síðasta sólarhringinn
Hrikalegt að heyra fréttirnar
Bjarni: „Útilokað að þetta geti gengið upp“
„Mér finnst gamla Samfylkingin komin aftur“
Segir að verið sé að svindla á Bandaríkjunum