Lilja Dögg Alfreðsdóttir, viðskipta- og menningarmálaráðherra, sagðist ekki hafa verið kunnugt um fyrirætlanir meirihluta fjárlaganefndar Alþingis, um að bæta við 100 milljóna króna styrk til sjónvarpsstöðvarinnar N4 framhjá almennu styrkjakerfi til einkarekinna fjölmiðla.

Frétt af mbl.is

Vill sameina landsbyggðafréttafólk RÚV og N4

Þetta kom fram í svari hennar við óundirbúinni fyrirspurn frá Sigmari Guðmundssyni, þingmanni Viðreisnar, í dag.

Eiga að fara í gegnum styrkjakerfi

Lilja sagði einnig að í hennar huga væri enginn vafi á því að allir styrkir til fjölmiðla ættu að fara í gegnum almennt styrkjakerfi, sem þróað hefur verið í hennar ráðuneyti frá því að styrkirnir voru teknir upp á síðasta kjörtímabili. 

„Það kerfi sem var þróað á síðasta kjörtímabili hefur reynst bæði vera gagnsætt, skilvirkt og viðkomandi fjölmiðlar hafa getað áætlað sirka hvað þeir fá út frá þeim leikreglum sem þar voru kynntar,“ sagði Lilja.

Frétt af mbl.is

Lilja útfæri hvernig 100 milljónirnar verði nýttar

Auk þess kom fram í seinna svari Lilju að fjármunirnir sem upphaflega átti að veita beint til N4, muni renna í almenna styrkjakerfið og þannig auka stuðning við einkarekna fjölmiðla á Íslandi um 100 milljónir.

„Einkareknu fjölmiðlarnir munu fá hærri styrki vegna þessa og við munum nýta kerfið eins og það var hannað og ég tel að það sé rétt nálgun,“ sagði Lilja.

Tengdar fréttir

Alþingi

Beint: Bjarni tilkynnir um þingrof og kosningar

• Lilja aðstoðar Þórdísi
• „En sagan er auðvitað lengri en þetta“
• Segir stjórnarslit ekki hafa legið í loftinu
• „Stjórnarkreppa í Íslandi“

» Fleiri tengdar fréttir

• Blogga um frétt