Fyrsti snjór vetrarins í Reykjavík lét sjá sig í kvöld.
Fyrstu korn féllu um 7 leytið en um það bil klukkustund síðar hófst snjókoma fyrir alvöru.
Veðurfræðingur á vakt hjá Veðurstofu Íslands segir í samtali við mbl.is að það muni halda áfram að snjóa fram til hádegis á morgun og gæti orðið 25-30 cm jafnfallinn snjór. Ekki muni snjóa meira eftir það um helgina á suðvesturhorninu.
Síðdegis á morgun færist í austan eða norðaustanátt og verður bjart, þurrt og kalt.