Berjast við að halda strætóleiðum opnum

„Staðan hjá okkur núna er sú að við erum að berjast við að halda strætóleiðum opnum, þessum aðalstofnleiðum borgarinnar,“ segir Eiður Fannar Erlendsson, einingarstjóri vetrarþjónustu hjá Reykjavíkurborg í samtali við mbl.is.

Líkt og vanalega eru leiðir strætisvagna í fyrsta forgangi þegar kemur að því að ryðja götur, þá tengileiðir að helstu stofnunum og síðan íbúðabyggðir. 

Frétt af mbl.is

Strætó gengur þrátt fyrir vont færi

Áhersla á stofnleiðir fram yfir hádegi

Eiður segir að á meðan enn fellur úrkoma þá verði aðaláherslan lögð á að halda stofnleiðum opnum fram undir og jafnvel fram yfir hádegi. 

Þjónustumiðstöð Reykjavíkurborgar hóf ruðning klukkan fjögur í nótt, bæði á vegum og stígum: Eiður segir þó ruðning á stígum hafa gengið erfiðlega á með enn skefur mikið. 

„Það féll snjór fljótt í þetta aftur, það er aðeins miðjafnt eftir borgarhlutum hversu mikið skefur í,“ segir hann. 

Hann segir níu bíla og tæki við störf sem stendur að ryðja bara í götum í Reykjavíkurborg. Þyngstur er snjórinn í eftir byggðum. 

• Blogga um frétt