Veðurstofan spáði snjókomu í höfuðborginni í gærkvöldi og það gekk eftir. Gefin var út gul viðvörum fyrir nóttina og morguninn. Dagurinn í dag er því fyrsti alhvíti dagurinn í Reykjavík á þessum vetri. Munaði þar aðeins einum degi á metjöfnun. Metið er frá 1933, þegar fyrsti alhvíti dagurinn í Reykjavík var 18. desember.
Mælingar á snjóhulu og snjódýpt hófust 25. janúar 1921 í Reykjavík, eða fyrir rúmlega einni öld. Á tímabilinu hefur snjóhula nær allan tímann verið metin klukkan níu að morgni, að því er fram kemur í pistli Trausta Jónssonar veðurfræðings á Moggablogginu. Snjóhula hefur verið mæld á nokkrum stöðum í borginni í gegnum tíðina. Nú er miðað við að tún Veðurstofunnar við Bústaðaveg sé alhvítt að morgni.
Lesa má meira um málið í Morgunblaðinu í dag.