Vegna bilunar í Hellisheiðarvirkjun er engin framleiðsla á heitu vatni í virkjuninni sem stendur.  Því er heildarframleiðslugeta á heitu vatni fyrir hitaveitu höfuðborgarsvæðisins skert um að minnsta kosti 20%.

Af þessum sökum þarf að loka öllum sundlaugum  á höfuðborgarsvæðinu í dag. Vonast er til að lokunin vari einungis út daginn.

Teymi frá Orku Náttúrunnar er komið á staðinn og viðgerð er hafin, að því er segir í tilkynningu frá ON.

Fram kemur í tilkynningu frá Reykjavíkurborg, að vegna bilunar í Hellisheiðarvirkjun sé einnig nauðsynlegt að loka Ylströndinni í dag. Vonast er til að hægt verði að opna aftur á morgun.

„Gestir sundlauganna eru beðnir um að sýna því skilning að forgangsröðun á heitavatnsþjónustu við þessar aðstæður er til heimila og grunnþjónustu,“ segir í tilkynningu borgarinnar. 

Tengdar fréttir

Frost á Fróni

Kaldasti vetur aldarinnar

• Viðvaranir gætu verið í gildi fram á miðvikudag
• Snjólögin veik um þessar mundir
• Snjóflóð fallið og varað við frekari hættu
• Óvenju löng kuldatíð í Skagafirði

» Fleiri tengdar fréttir

• Blogga um frétt