Innlent | mbl | 19.12.2022 | 8:27 | Uppfært 10:27

Margir vegir lokaðir á Suðvesturlandi

Björgunarsveitir að störfum á Mosfellsheiði á laugardaginn. Ljósmynd/Landsbjörg

Mörgum vegum hefur verið lokað á Suðvesturlandi vegna veðurs, þ.e. Reykjanesbraut, Grindavíkurvegi, Hellisheiði, Þrengslum, Mosfellsheiði, Lyngdalsheiði, og Suðurstrandarvegi.

Reykjanesbraut lokuð og röskun á flugi

Vegagerðin greinir frá þessu.

Athugið: Búið er loka þessum vegum á Suðvesturlandi. Reykjanesbraut, Grindavíkurvegi, Hellisheiði, Þrengslum Mosfellsheiði, Lyngdalsheiði, og Suðurstrandarvegi. ATH. Fylgdarakstur er í gangi frá Hafnarfirði að Keflavík og til baka og Grindavík að Keflavík. #færðin
— Vegagerðin | Iceland Roads (@Vegagerdin) December 19, 2022

Snæfellsnesið er að mestu ófært og einnig Brattabrekka. Hálka er á Holtavörðuheiði og eru akstursskilyrði slæm.

Fylgdarakstur um Reykjanesbraut

Á Suðausturlandi má búast við að hringveginum í Öræfasveit og á Skeiðarársandi verði lokað í dag vegna mikils vinds og snarpra vindhviða. Lokunin gæti varað frá klukkan 8 og fram á þriðjudagsmorgun í það minnsta.

Frétt af mbl.is

Viðvaranir víða um land

Á Suðurlandi má búast við að vegirnir undir Eyjafjöllum, um Reynisfjall, Lyngdalsheiði, Árborgarhringurinn og leiðin milli Selfoss og Hveragerðis geti lokast í dag með stuttum fyrirvara vegna mikils vinds, snarpra vindhviða og mikils skafrennings og blindu.