Play og Icelandair aflýsa öllu flugi í dag
Setja bókamerki
Flugfélögin Play og Icelandair hafa aflýst öllu flugi það sem eftir er dags vegna aftakaveðurs.
Þetta staðfesta Birgir Olgeirsson, upplýsingafulltrúi Play, og Ásdís Ýr Pétursdóttir, upplýsingafulltrúi Icelandair, í samtali við mbl.is.
Veðurstofa Íslands spáir norðaustan 15 til 23 metrum á sekúndu í vindhraða næsta sólarhringinn en 20 til 28 á Suðausturlandi. Éljum spáir hún norðan- og austanlands, annars þurru en skafrenningi allvíða. Draga tekur úr vindi seint á morgun eftir spánni að dæma.
Í athugasemd veðurfræðings á síðu Veðurstofunnar er bent á viðvaranir um norðaustanhvassviðri eða -storm á sunnan- og vestanverðu landinu en hvassara á Suðausturlandi. Boðar veðurfræðingur talsverðan skafrenning víða og lélegt skyggni með köflum sem valdið geti ökumönnum erfiðleikum.
Segir að verið sé að svindla á Bandaríkjunum
„Þetta er ríkisstjórn almannahagsmuna“
Barn lést í árásinni
Var engin kristnitaka árið 1000?
„Tímabil aukinnar eldvirkni“
Skattamál verði líklega „þeirra mesta klemma“
Fyrsti blaðamannafundurinn í heild sinni
