Samninganefndir Eflingar og Samtaka atvinnulífsins hittust á fundi í húsi ríkissáttasemjara kl. 9 í morgun til að fara yfir stöðuna í kjaraviðræðunum. Stutt viðræðuhlé var tekið eftir um klukkustund að beiðni Eflingar, en fundarhöldin eru að hefjast aftur og eru skráð til kl. 11. 

Í gær lagði Efl­ing fram nýtt til­boð til SA um kjara­samn­ing til 15 mánaða. Samn­ings­for­send­ur eru þær að lægstu taxta­laun verði hækkuð til að end­ur­heimta kaup­mátt­inn sem tap­ast hef­ur frá síðustu launa­hækk­un, sem var í apríl 2022.

Einnig krefst Efl­ing þess að kjara­samn­ing­ur­inn verði fram­hald lífs­kjara­samn­ing­anna í þeim skiln­ingi að hækk­an­ir lægstu launa séu ekki mikið lægri en hækk­an­ir hærri launa. Efl­ing vill að hlut­deild launa í hag­vexti og góðri af­komu fyr­ir­tækja sé tryggð og það sé tekið til­lit til „óvenju“ mik­ils hús­næðis­kostnaðar á höfuðborg­ar­svæðinu.