Snjóflóð féll í Reynisfjalli í nótt fyrir ofan bæinn Garða í Reynishverfi. Engan sakaði en að minnsta kosti þrír bílar lentu undir flóðinu, allir mannlausir.

Ragnar Sigurður Indriðason, íbúi í Görðum, segir að heimilisfólkið hafi ekki orðið vart við flóðið fyrr en í morgun. „Þetta kom okkur svolítið að óvörum. Það byrjaði á norðaustan- austanátt og svo sneri til suðaustur. Við vorum ekkert óörugg um okkur að það væri mikil hætta á snjóflóð við þessar aðstæður. En það hefur bara náð að kyngja svo mikið þennan stutta tíma sem að það var norðaustanátt,“ segir Ragnar.

Frétt af mbl.is

Aðstoðuðu á annað hundrað manns í gær

Snjóflóðið féll að bænum og er mjög erfitt að fara um að sögn Ragnars. 

Bílarnir stóðu á hlaðinu við útihúsin sem eru nú á kafi í snjó.

„Við höldum að einn bíllinn hafi farið í hlöðuna. Við sjáum bara í toppinn á honum og fremst á gluggana. Við vitum ekki hvernig ástandið á honum er. Það er svo mikill snjór það er mjög erfitt að fara hér um í kringum bæinn,“ segir Ragnar sem tekur þó fram að flóðið hafi ekki verið mjög stórt.

Þriðji bíllinn sem lenti undir flóðinu. Ljósmynd/Aðsend

Tengdar fréttir

Frost á Fróni

Kaldasti vetur aldarinnar

• Viðvaranir gætu verið í gildi fram á miðvikudag
• Snjólögin veik um þessar mundir
• Snjóflóð fallið og varað við frekari hættu
• Óvenju löng kuldatíð í Skagafirði

» Fleiri tengdar fréttir

• Blogga um frétt