Ekki skimað nema í Evrópusamstarfi

„Við erum ekki búin að taka neinar ákvarðanir um að gera það. Við höfum yfirleitt fylgt Evrópu og Norðurlöndunum þegar kemur að þessu,“ segir Guðrún Aspelund sóttvarnalæknir um möguleikann á því að farþegar frá Kína verði skimaðir á landamærunum fyrir kórónuveirunni. Mikið var slakað á sóttvarnatakmörkunum í Kína á dögunum og eru því ferðamenn frá Kína farnir að ferðast víðs vegar um heiminn á nýjan leik.

Aðspurð segir Guðrún þó að sá möguleiki að skima á landamærunum verði ræddur á komandi dögum en að það muni ráðast af Evrópusamstarfi hvort það verði á endanum gert.

Stjórnvöld í Bretlandi, Frakklandi, Ítalíu og á Spáni hafa öll tekið ákvörðun um að skylda farþega sem koma frá Kína til að framvísa neikvæðu kórónuveiruprófi til að hljóta inngöngu í löndin.

Hægt er að nálgast umfjöllunina í heild sinni í Morgunblaðinu í dag.