Fluttir með þyrlu eftir slys í Öræfasveit

Reiknað er með því að allir þeir átta til níu sem voru í bílunum tveimur sem rákust saman á hringveginum við Kvíármýri í Öræfum verði fluttir með þyrlu á Landspítalann.

Frétt af mbl.is

Tveggja bíla árekstur í Öræfum

Varðstjóri hjá lögreglunni á Höfn í Hornafirði tekur þó fram að fólkið virðist hafa sloppið við alvarleg meiðsl. 

Lögreglan er enn að störfum á vettvangi, en þar er hálka.

Slysið varð upp úr klukkan tvö síðdegis í dag þegar tveir fólksbílar rákust saman og þurfti að loka hringveginum. Unnið er að opnun, að sögn varðstjórans.

• Blogga um frétt