Erfið staða í Hafralónsá

Krapa­stífla hef­ur gert það að verk­um að Hafralónsá hef­ur flætt yfir veg­inn síðan á gaml­árs­dag. Sex manna fjölskylda á Tungu­seli í Þistil­f­irði hefur verið innlyksa á bænum síðan þá.

Frétt af mbl.is

Einangruð síðan á gamlársdag

Mbl.is fékk góðfúslegt leyfi Vegagerðarinnar til að birta drónaskot sem Vegagerðin lét taka til að hægt væri að rýna betur í stöðuna. Í meðfylgjandi myndskeiði má sjá hvernig Hafralónsá hefur rutt sér yfir veginn við ristarhlið og hvernig snjór og krapi hafa kaffært veginn ofan við brúna. Þá má sjá hvernig Hafralónsáin er kolstífluð við brúna og hvar Vegagerðin er búin að opna vakir beggja megin brúar til að kanna aðstæður.

Það hefur ýmislegt verið reynt og menn hafa brotið heilann síðustu daga um hvað sé hægt að gera í málinu. Það stóð til að fá stóra beltagröfu frá verktaka í Öxarfirði sem er með 20 metra langa bómu til að reyna að vinna á stíflunni en þær fyrirætlanir hugnuðust ekki veiðifélaginu.

Sigurður Þór Guðmundsson, oddviti í Svalbarðshreppi, segir menn ætla að treysta á hlákuna um helgina og sýna þolinmæði fram yfir helgi. Hann segir heimilismenn ennþá rólega. Hægt sé að komast að bænum á vélsleða en allir séu meðvitaðir um aðstæður fjölskyldunnar og björgunarsveit sé í viðbragðsstöðu.

Krapastíflan gerir að verkum að Hafralónsá flæðir yfir veginn. Ljósmynd/Margrét Eyrún Níelsdóttir

Ævar Rafn Marinósson, bóndi á Tunguseli, segir að hann eigi ekki von á að hlákan verði nægilega mikil til að vinna á stíflunni.

„Þegar verulega stór krapastífla ver í ánni síðast fyrir rúmum 40 árum þá var enginn straumur í henni en í dag er harðkornarennsli og áin rennur yfir í kverkána. Áin er trúlega búin að taka í sundur veginn og er komin í þægilegan farveg. Þess vegna verðum við að finna leið til að hjálpa ánni að losa stífluna því annars verður hún sennilega í þessum farvegi í allan vetur.“

Björg­un­ar­sveit­in Hafliði á Þórs­höfn á Langa­nesi sendi frá sér til­kynn­ingu í gær­kvöld þar sem at­hygli fólks var vak­in á stíflunni í Hafralónsá og hugs­an­legr­ar hættu á að hún bresti skyndi­lega.

Frétt af mbl.is

Vara fólk við að vera á ferð á Brekknasandi

Hjónin Ævar Rafn Marinósson og Margrét Eyrún Níelsdóttir hafa verið einangruð ásamt börnum sínum og foreldurm Ævars á bæ sínum Tunguseli í Þistilfirði síðan á gamlársdag. Ljósmynd/Aðsend

• Blogga um frétt