Framkvæmdaleyfi eftir nokkra mánuði

Mannvirki Hvammsvirkjunar verða meira á austurbakkanum og því fær Rangárþing ytra fasteignaskatta af stöðvarhúsi og fleiri mannvirkjum. Áhrifa virkjunarinnar gætir hins vegar meira í byggð hinum megin ár, í Skeiða- og Gnúpverjahreppi.

Haraldur Þór Jónsson, oddviti og sveitarstjóri Skeiða- og Gnúpverjahrepps, segir að sveitarstjórnin meti það svo í upphafi þessa ferils að þrátt fyrir að unnið hafi verið að undirbúningi virkjunarinnar í meira en tvo áratugi hafi ekkert verið fjallað um samfélagsleg áhrif hennar í byggð. Telur hann ámælisvert að ekkert tillit hafi verið tekið til íbúanna í þessu langa ferli. Segir Haraldur að það sé stóra vandamálið í vinnunni fram undan og ljóst að Landsvirkjun þurfi að svara mörgum spurningum um þann þátt málsins.

Sveitarstjórn Rangárþings ytra vill gera samfélagssáttmála vegna framkvæmdarinnar og frekari nýtingar orku í héraði. Eggert Valur Guðmundsson oddviti segir að slíkur sáttmáli snúist um að tryggja að samfélagið og umhverfið njóti góðs af framkvæmdunum en verði ekki fyrir skaða.

Hægt er að nálgast umfjöllunina í heild sinni í Morgunblaðinu í dag.