Missa stjórn á bifreiðum vegna illa skafinna gatna

„Það hefur aldrei verið jafn mikið að gera á einum vetri og í vetur. Ég man að ég sagði það nákvæmlega sama við ykkur á svipuðum tíma í fyrra,“ seg­ir Kristján Ö. Kristjáns­son, framkvæmda­stjóri árekstur.is, sem sinnir útköllum vegna umferðaslysa og -óhappa á höfuðborgarsvæðinu.

Frétt af mbl.is

Aldrei sinnt jafn mörgum útköllum eins og í morgun

Kristján segir langflest óhöppin orsakast af þeim snjóþyngslum sem höfuðborgarbúar hafa þurft að þola undanfarnar vikur.

„Sólin er lágt á lofti en fyrir utan það þá erum við að lenda mikið í því að fólk missir stjórn á bílunum sínum í íbúðargötum vegna þess að göturnar eru illa skafnar. Svo er einn og einn að læðast á sumardekkjum inn á milli en langflestir eru vel dekkjum búnir.“

Kristján segist merkja að ónegld vetrardekk færist í aukana en hann vill ekki meina að þau hafi einhver áhrif á fjölda óhappa.

„Nei, alls ekki. Ég vil ekki meina það.“

• 2 blogg um fréttina

Bloggað um fréttina

• Örn Gunnlaugsson: Vanbúnar smápúddur á sköllóttu.
• Helgi Þór Gunnarsson: Illur ræðari kennir árinni!