Sólveig Anna Jónsdóttir, formaður Eflingar, telur félagsfólk í Eflingu reiðubúið að leggja niður störf til að knýja á um „réttmætar kjarabætur“. 

Samninganefnd verkalýðsfélagsins undirbýr nú verkfallsboðun eftir að Samtök atvinnulífsins höfnuðu tilboði nefndarinnar á fundi sem lauk fyrir skömmu.

Frétt af mbl.is

Efling undirbýr verkfallsboðun

Ekki er þó víst að það rætist úr verkfallsaðgerðunum en eins og áður hefur komið fram þarf félagsfólk að greiða atkvæði um verkfallsboðunina. Sólveig Anna er bjartsýn á að hún verði samþykkt.

„Ég held að svo sé, við auðvitað byggjum á samtölum við félagsfólk en við gerum meira en það. Við erum með góðar niðurstöður úr ítarlegri kjarakönnun sem að metþátttaka var í sem að sýnir fram á það með mjög skýrum hætti að félagsfólk Eflingar er tilbúið að leggja niður störf til að knýja á um réttmætar kjarabætur fyrir sig,“ segir Sólveig spurð hvort hún telji sig hafa bakland í félaginu fyrir verkfallsaðgerðum.

Aðspurð kvaðst Sólveig Anna ekki óttast að SA fari fram á verkbann.

„Það væri nú ansi mögnuð staða en ég auðvitað ætla ekki að útiloka nokkurn skapaðan hlut.“

Tengdar fréttir

Kjaraviðræður

„Skapa ójafnræði og óréttlæti“

• Börnum mismunað: Kjaradeilan verði leyst án tafar
• „Það er engin ákveðin hreyfing í deilunni“
• Boða til nýs verkfalls
• Sameyki styður kjarabaráttu kennara

» Fleiri tengdar fréttir

• Blogga um frétt