Mátti dæma Sterkaj í 20 ára fangelsi?
Setja bókamerki
Ríkissaksóknari telur mikilvægt að Hæstiréttur fjalli um það hvort Landsréttur hafi mátt dæma Angjelin Sterkaj til þyngri refsingar en 16 ára fangelsisvistar í Rauðagerðismálinu. Ríkissaksóknari telur að lagaheimild hafi hugsanlega skort.
Þetta kemur fram í umfjöllun um málið á vef RÚV.
Þá telur ríkissaksóknari rétt að Hæstiréttur verði við áfrýjunarbeiðni sakborninganna fjögurra í málinu, en í lok október þyngdi Landsréttur dóm héraðsdóms yfir Angjelin Sterkaj auk þess að sakfella þrjú önnur sem héraðsdómur hafði áður sýknað.
Sterkaj, sem var sá eini sem játaði sök, var þá dæmdur í 20 ára fangelsi fyrir að hafa orðið Armando Beqirai að bana við heimili sitt í Rauðagerði í Reykjavík í fyrra. Þau Sheptim Qerimi, Claudia Sofia Coelho Carvalho og Murat Selivrada sem voru sýknuð af kröfum ákæruvaldsins í héraðdómi voru öll dæmd í 14 ára fangelsi.
Fram kemur í umfjöllun RÚV, að ríkissaksóknari telji að hugsanlega hafi skort lagaheimild til að dæma Sterkaj til að sæta þyngri refsingu en 16 ára fangelsi. Heimilt sé að dæma fangelsi allt að 20 árum við tilteknar lögákveðnar aðstæður sem embættið telur vafa leika á að hafi verið fyrir hendi í málinu.
Fyrsti blaðamannafundurinn í heild sinni
Segir að verið sé að svindla á Bandaríkjunum
/frimg/1/53/78/1537870.jpg)
Í kaffi með Vigdísi
„Mér finnst gamla Samfylkingin komin aftur“
Segja tölur um fjölda opinberra starfsmanna skakkar
Bjarni afhenti Kristrúnu lyklana
Þetta eru ráðherrar ríkisstjórnarinnar
Telur sér ekki heimilt að úthluta Helga verkefni