„Þetta er grafalvarleg og þung staða“
Setja bókamerki
Aðalsteinn Leifsson ríkissáttasemjari segir stöðuna í kjaradeilu Eflingar og Samtaka atvinnulífsins (SA) grafalvarlega og hefur miklar áhyggjur af henni.
„Þetta er grafalvarleg og þung staða í þessum viðræðum. Það hafa komið fram tilboð, bæði frá Samtökum atvinnulífsins og síðan frá Eflingu, og ég geri ráð fyrir að þessi tilboð verði rædd, og síðan framhald á mögulegu samtali,“ segir Aðalsteinn í samtali við mbl.is.
Fundur hefur verið boðaðar með deiluaðilum klukkan 11 í húsakynnum ríkissáttasemjara en gagntilboð til Eflingar til SA, sem lagt var fram á sunnudag, rennur út klukkan 12 á hádegi.
Efling hefur frest til 11. janúar
Efling hefur hafnað með öllu að semja um sömu launatöflu og félög Starfsgreinasambandsins (SGS) hafa nú þegar samið um og vilja að sérstaða Eflingar verði virt að fullu í nýjum samningi. Efling hefur gefið út að verði tilboði þeirra hafnað, sem grundvelli frekari viðræðna, verði viðræðurnar lýstar árangurslausar og undirbúningur verkfallsaðgerða hafinn.
Tilboð sem SA gerði Eflingu í síðustu, og felur í sér samhljóða samning og SA gerði við SGS, er forsenda fyrir afturvirkni samningsins frá 1. nóvember síðastliðnum er sú að hann verði undirritaður í síðasta lagi 11. janúar.
Mjög dýrt að tryggja landamærin
Viðreisn gæti valið stjórn
Unnu eftir kröfugerð sem lögð var fram í upphafi
Viðreisn krefst aðildarviðræðna við ESB
Frestar skerðingum fyrir norðan og austan
Par flutt á bráðamóttöku eftir árás
