Björgunarsveitarfólk frá Höfn aðstoðaði tvo hollenska ferðamenn niður af Ketillaugarfjalli í dag. 

Hjálparbeiðni barst frá ferðamönnunum sem höfðu lagt í göngu á Ketillaugarfjall, sem er upp af Nesjum, rétt utan Hafnar í Hornafirði, að því er segir í tilkynningu frá Slysavarnafélaginu Landsbjörg.

Ferðamennirnir höfðu lagt bíl sínum við söluskálann í Nesjum og gengið þaðan, en þeir fóru ekki hefðbundna gönguleið.

Þegar þeir voru komnir nokkuð hátt í fjallið, gengu þeir inn á svæði þar sem harður snjór og svellalög voru, og þeir treystu sér ekki lengra og óskuðu aðstoðar.

Ljósmynd/Björgunarfélag Hornafjarðar

Ekki búnir til vetrar fjallaferða

Björgunarsveitarfólk frá Höfn fór á staðinn og hélt á fjallið, en í fyrstu var staðsetning þeirra ekki nákvæm.

Mennirnir fundust svo hátt í fjallinu rétt fyrir klukkan 17. Björgunarfólk setti á þá mannbrodda, tryggði þá í línu og fylgdi niður af fjallinu.

Mennirnir voru vel á sig komnir en ekki nógu vel búnir til vetrar fjallaferða. Aðgerðum var lokið rétt fyrir klukkan 18. 

Ljósmynd/Björgunarfélag Hornafjarðar

Tengdar fréttir

Frost á Fróni

Kaldasti vetur aldarinnar

• Viðvaranir gætu verið í gildi fram á miðvikudag
• Snjólögin veik um þessar mundir
• Snjóflóð fallið og varað við frekari hættu
• Óvenju löng kuldatíð í Skagafirði

» Fleiri tengdar fréttir

• Blogga um frétt