Verð á íbúðarhúsnæði hefur hækkað meira á Íslandi en í nokkru öðru þeirra 30 Evrópulanda sem nýr samanburður Eurostat, hagstofu Evrópusambandsins, nær til.

Frá árinu 2010 til loka þriðja ársfjórðungs seinasta árs er hækkunin á Íslandi sögð hafa verið um 213%. Eistland er í öðru sæti þegar hlutfallslegar hækkanir eru bornar saman en þar hækkaði húsnæðisverðið um 199%. Í nokkrum löndum ríflega tvöfaldaðist verð á íbúðarhúsnæði á þessum tíma en það lækkaði í þremur Evrópulöndum.

Hækkanir síðustu tveggja til þriggja ára hér á landi vega þungt. Þannig hækkaði verðið á Íslandi um 58% frá 2015 til loka þriðja ársfjórðungs 2020 en frá 2015 til septemberloka í fyrra nam hækkunin 122% hér á landi.

Lesa má meira um málið í Morgunblaðinu í dag. 

Tengdar fréttir

Húsnæðismarkaðurinn

Búseta skortir byggingarlóðir

• Horfa út fyrir Reykjavík vegna bílstæðaskorts
• „Það er verið að byggja rangar íbúðir“
• Skortur á bílastæðum fælir frá
• Sjö af 160 íbúðum seldust

» Fleiri tengdar fréttir