Stefna á að opna Sólir um mánaðamótin

Jógastöðin Sólir, sem er til húsa á Fiskislóð 53-55, hefur verið lokuð frá jólum vegna framkvæmda. Stefnt er að því að opna stöðina aftur um næstu mánaðamót.

„Við erum að bæta öll búningsherbergin, við erum setja saunu út og bæta útisvæðið okkar,“ segir Apríl Harpa Smára­dótt­ir, framkvæmdastjóri Sóla, í samtali við mbl.is.

Fé­lagið In­vester ehf., í eigu Gunn­ars Henriks B. Gunn­ars­son­ar, keypti jógastöðina í ágúst. Samhliða kaupunum var Apríl Harpa ráðin framkvæmdastjóri.

Frétt af mbl.is

Apríl nýr framkvæmdastjóri Sóla

Vilja verða heilsulind

Ásamt framkvæmdanna sem standa nú yfir mun stundatafla stöðvarinnar breytast. Áætlað er að fjölga viðburðum og bæta við tímum í pilates og movement.

„Við ætlum að beina okkur aðeins meira að því að vera heilsulind frekar en bara jógastöð,“ segir Apríl Harpa.

• Blogga um frétt