3,4 milljarðar í endurgreiðslur

Endurgreiðslur vegna kostnaðar við kvikmyndaframleiðslu hér á landi hafa aldrei verið hærri en í fyrra. Þær námu tæpum 3,4 milljörðum króna sem er um 42% hærra en á fyrra metári, árið 2020.

Endurgreiðslur vegna erlendra verkefna námu rétt tæpum tveimur milljörðum króna í fyrra. Fram til þessa höfðu mest verið greiddir út 1,4 milljarðar króna vegna erlendra verkefna. Greiðslur vegna innlendra verkefna voru tæpir 1,4 milljarðar.

Frétt af mbl.is

Baltasar fékk 500 milljónir

Hæstu greiðslurnar voru vegna Netflix-kvikmyndarinnar Against the Ice sem RVK Studios framleiddi, tæpar 500 milljónir króna. Næsthæstu endurgreiðslurnar voru vegna sjónvarpsþáttanna The Retreat sem skarta leikurunum Emmu Corrin og Clive Owen í aðalhlutverkum. Námu greiðslurnar 374 milljónum króna en það var True­North sem sá um framleiðsluna hér á landi. Það fyrirtæki sá einnig um kvikmyndina Heart of Stone sem fékk 298 milljónir í endurgreiðslu. Stærsta íslenska verkefnið var Verbúð sem fékk 210 milljónir í endurgreiðslur. Sjónvarpsþættirnir Svörtu sandar fengu 182 milljónir og kvikmynd um Stellu Blómkvist 171 milljón. 

Lesa má meira um málið í Morgunblaðinu í dag.