Hornafjörður tekur á móti átta flóttamönnum
Setja bókamerki
Skrifað var undir samning í dag um að sveitarfélagið Hornafjörður muni taka á móti átta flóttamönnum á árinu.
Guðmundur Ingi Guðbrandsson, félags- og vinnumarkaðsráðherra, Erla Björg Sigurðardóttir, félagsmálastjóri sveitarfélagsins Hornafjarðar og Nichole Leigh Mosty, forstöðukona Fjölmenningarseturs, undirrituðu í dag samninginn um samræmda móttöku flóttafólks, að því fram kemur í tilkynningu frá Stjórnarráðinu.
Samræmd móttaka flóttafólks nær til fólks sem fengið hefur alþjóðlega vernd eða dvalarleyfi á grundvelli mannúðarsjónarmiða hér á landi. Markmiðið er að tryggja flóttafólki samfellda og jafna þjónustu óháð því hvaðan það kemur og í hvaða sveitarfélagi það sest að.
Þetta er fimmti samningurinn sem undirritaður er um samræmda móttöku flóttafólks á skömmum tíma.
Þórður mun ekki taka þingsæti
Upptökur með leynd færast í vöxt
Óvissustigi á Vestfjörðum aflýst
Viðreisn krefst aðildarviðræðna við ESB
Viðreisn í mikilli sókn
Frestar skerðingum fyrir norðan og austan
Mjög dýrt að tryggja landamærin
„Þetta er algerlega hans ákvörðun“
