Rýnihópur Reykjavíkurborgar um hlutafjáraukningu Ljósleiðarans, dótturfélags OR, sem skipaður er borgarfulltrúum úr minnihluta, fær ekki að sjá kaupsamning um þriggja milljarða kaup Ljósleiðarans á stofnneti Sýnar. Spurður hvað standi í vegi fyrir birtingu samingsins segir Gylfi:

„Stjórn OR hefur fengið ágætar upplýsingar um það hvað felst í þessum samningi, hver áhrif hans eru og fjárhagsleg áhætta og slíkt. Það eru fullnægjandi upplýsingar til þess að sinna eftirlits- og stefnumótunarskyldu stjórnarinnar. Það er hins vegar annað mál að þetta eru viðkvæmar viðskiptalegar upplýsingar sem liggja í samningi sem þessum, bæði fyrir Ljósleiðarann og fyrir Sýn. Og almennt eru slíkir samningar ekki gerðir opinberir.“ Gylfi viðurkennir þó að samningurinn skipti talsverðu máli, bæði fyrir Ljósleiðarann, Sýn og fjármagnsþörf Ljósleiðarans. „En rýnihópurinn horfir ekki einungis til þessa samnings heldur annarra þátta líka varðandi fjármagnsþörf Ljósleiðarans í framtíðinni.“

Kjartan Magnússon borgarfulltrúi Sjálfstæðisflokks segir að sér hafi ítrekað verið synjað um aðgang að kaupsamningnum. „Ljósleiðarinn er ekki að fjármagna kaupin með handbæru fé. Það verður tekið lán fyrir þessu. Og þá þýðir það að þetta verði nokkurra milljarða króna lántaka til viðbótar, sem fer undir samstæðu­reikning borgarinnar. Ég tel að þegar verið er að bæta nokkrum milljörðum króna við fjárhagsáætlun, þá ætti að ræða það í borgarstjórn.“ Söluhagnaður Sýnar af kaupunum nam 2,4 milljörðum króna, að því er fram kom í tilkynningu Sýnar um kaupin.

Tengdar fréttir

Ljósleiðarinn og OR

Tap Ljósleiðarans margfaldast á milli ára

• Gagnrýnir lokaða sölu á Ljósleiðaranum
• „Ein stærsta fjárfesting í sögu Reykjavíkurborgar“
• Tap Ljósleiðarans rúmlega þrefaldast
• Erling lætur af störfum hjá Ljósleiðaranum

» Fleiri tengdar fréttir