Mál læknis verður sent til héraðssaksóknara

Lögreglurannsókn er að ljúka á hendur Skúla Tómasi Gunnlaugssyni, fyrrverandi yfirlækni á sjúkrasviði Heilbrigðisstofnunar Suðurnesja, en hann er grunaður í sex málum sem snúa að andlátum sjúklinga á HSS, sem ætla má að hafi verið ótímabær og borið að með saknæmum hætti.

Úlfar Lúðvíksson, lögreglustjóri á Suðurnesjum, staðfesti við mbl.is að málið verði sent til héraðssaksóknara til ákærumeðferðar síðar í þessum mánuði.

Embætti land­lækn­is hóf rannsókn á störfum læknisins í nóv­em­ber 2019 vegna gruns um van­rækslu og röð al­var­legra mistaka.

Frétt af mbl.is

Mál læknis á borði lögreglu

Fjöl­skylda konu sem lést á HSS kallaði eftir því að rann­saka bæri meðferð sem móðir þeirra fékk sem mann­dráp en hún hafi verið send í lífs­lokameðferð án sýni­legr­ar ástæðu. Vísaði fjölskyldan í álit Lands­lækn­is því til stuðnings.

Frétt af mbl.is

Vilja að lífslokameðferð verði rannsökuð sem manndráp

Læknirinn var grunaður um að hafa látið 14 einstaklinga hefja ótímabæra lífslokameðferð þar sem níu höfðu látist en fimm fluttir á hjúkrunarheimili og í kjölfarið hætt slíkri meðferð.

Frétt af mbl.is

Læknir í leyfi vegna rannsóknar

Lögmaður hans lét hafa eftir sér um mitt síðasta ár að málið verði líklega fellt niður í kjölfar matsgerðar dómskvaddra matsmanna, sem telji að skrán­ing lækn­is­meðferða á Heil­brigðis­stofn­un Suður­nesja í tölvu­kerf­um hafi verið með öðrum hætti en á öðrum sjúkra­stofn­un­un­um og ekki hafi verið sam­ræmi á milli skrán­ing­ar í tölvu­kef­um og þeirra meðferða sem hafi verið veitt­ar.

Frétt af mbl.is

Telur að mál læknis hjá HSS verði fellt niður

• Blogga um frétt