Lögreglan minnir á að mikill vatnselgur er víða á götum á höfuðborgarsvæðinu. Ökumenn eru hvattir til að aka varlega og flýta sér hægt.

Einnig er varað sérstaklega við hálku, en flughálka er líkleg til að myndast á blautum klaka og ættu allir vegfarendur að hafa það hugfast, að því er lögreglan segir í tilkynningu.

„Skilaboð um að fólk hugi að niðurföllum og hreinsi frá þeim eru ítrekuð, ekki síst niðurföll á svölum húsa en þau eiga það til að gleymast. Rík ástæða er líka til að vara fólk við því að fara út á ís á vötnum og í fjörum. Forráðamenn eru beðnir um að brýna fyrir börnum sínum hættuna sem af því stafar,“ segir lögreglan á höfuðborgarsvæðinu.

Þá er gul viðvörun vegna veðurs á höfuðborgarsvæðinu í gildi til kl. 6 í fyrramálið vegna asahláku.

Tengdar fréttir

Veðraskil í janúar 2023

Lægðir á leiðinni og mjög viðkvæm staða í spám

• Hringvegurinn opnaður en varað við hálku og krapi
• Hringvegurinn lokaður á tveimur köflum
• Ófærðin mest í efri byggðum
• Nóttin róleg hjá björgunarsveitum

» Fleiri tengdar fréttir

• Blogga um frétt