Samgöngutruflanir eru víða um land vegna veðurs en búið er að loka fyrir umferð um Hellisheiði, Þrengsli, Sandskeið, Öxnadalsheiði og Holtavörðuheiði, svo eitthvað sé nefnt.

Óvissustig er á Suðurnesjum á milli klukkan 7 til 18 og samkvæmt upplýsingum frá Vegagerðinni gæti komið til þess að Reykjanesbrautinni og Grindavíkurvegi verði lokað með stuttum fyrirvara en afar erfið akstursskilyrði eru þar núna, snjóþekja, skafrenningur, og 27 m/s í hviðum. Á milli klukkan 10 og 12 má búast við enn meira hvassviðri og blindu á þessum vegum.

Frétt af mbl.is

Aflýsa og seinka millilandaflugi fyrir hádegi

Þá er mikil ófærð á Vestfjörðum og má einnig búast við samgöngutruflunum þar. Fólk er hvatt til að fylgjast með veðurspám og færð á vegum á vefsíðu Vegagerðarinnar.

Gular og appelsínugular veðurviðvaranir eru í gildi á suðvesturhorni landsins. Þá gaf Veðurstofa Íslands út viðvaranir í morgun fyrir Norður- og Austurland.

Frétt af mbl.is

Hvellurinn verstur á Suðurlandi og Faxaflóa

Tengdar fréttir

Veðraskil í janúar 2023

Lægðir á leiðinni og mjög viðkvæm staða í spám

• Hringvegurinn opnaður en varað við hálku og krapi
• Hringvegurinn lokaður á tveimur köflum
• Ófærðin mest í efri byggðum
• Nóttin róleg hjá björgunarsveitum

» Fleiri tengdar fréttir

• Blogga um frétt