Rafbyssur verði staðalbúnaður
Karítas Ríkharðsdóttir
Setja bókamerki
Tengdar fréttir
Vopnaburður lögreglunnar
Jón Gunnarsson dómsmálaráðherra lítur svo á að rafbyssur verði staðalbúnaður fyrir þá lögregluþjóna sem hlotið hafa viðeigandi þjálfun.
Þetta kom fram á opnum fundi allsherjar- og menntamálanefndar á Alþingi í morgun.
Þar var fjallað sérstaklega um breytingar á reglum um vopnaburð lögreglu og voru ásamt Jóni þau Runólfur Þórhallsson, aðstoðaryfirlögregluþjónn greiningardeildar ríkislögreglustjóra, Ragna Bjarnadóttir frá dómsmálaráðuneyti og Ólafur Örn Bragason, forstöðumaður mennta- og starfsþróunarseturs lögreglunnar, til svara.
Heimild þegar til staðar í lögum
Jón var tvisvar spurður út í samráðsleysi við ákvarðanatöku um breytingarnar, sem heimila lögreglu að ganga almennt með rafbyssur. Jón vísaði til þess að athugun á hvort að rafbyssur gætu aukið öryggi lögreglunnar hefði hafist árið 2008.
Þá hefði heimild verið til staðar í lögum um notkun rafvopna við sérstakar aðstæður frá því fyrir aldamót en ekki komið til notkunar.
„Þingið er í raun, fyrir mörgum árum, búið að koma því þannig fyrir að þessi heimild er til staðar og það er verið að útvíkka hana núna í reglum. Þetta er ekki útgáfa á reglugerð heldur breyting á reglum sem um þetta fjalla,“ sagði Jón Gunnarsson.
Í ljós komi hvort hann prófi
Auk þess kvaðst Jón hafa verið opinskár um áform sín um að heimila notkun rafbyssa og að ekki hefði verið kallað sérstaklega eftir aðkomu þingsins fyrr en nú.
Jón var einnig spurður hvort að hann hyggist láta skjóta sig sem rafvopni. „Það verður bara að koma í ljós,“ svaraði Jón og glotti.
Runólfur Þórhallsson sagðist hafa prófað að láta skjóta sig með rafbyssu fyrir nokkrum árum. Hann sagði að á meðan rafastraumurinn fari í gegnum líkama manns sé sá hinn sami óvígur, en hann hafi verið fljótur að ná sér.
Annað gildi hins vegar þegar piparúða er beitt, sem kalli alla jafnan á aðhlynningu í kjölfarið.
Tengdar fréttir
Vopnaburður lögreglunnar
Þórarinn: Tafir á höfuðborgarsvæðinu ekki minni
Myndir: Grindavíkurvegur aftur undir hraun
Spara stórfé með olíukaupum ytra
Hvað gerðist eiginlega í VMA?
Hraun fór yfir Grindavíkurveg
Erlendir miðlar greina frá tíunda gosinu
Átti ekki að láta pirring bitna á sjúklingi
Virknin dregist saman um 600 metra