Lína Móey Bjarnadóttir, ekkja Johns Snorra Sigurjónssonar, segir það ekki rétt að hún hafi beðið norsku fjallgöngukonuna Krist­inu Harila að klippa á taug­ina sem lík Johns Snorra hang­ir í á fjallinu K2 í Pakistan. 

mbl.is greindi í gær frá viðtali norska vef­ritsins kk.no við Harila. Málið er nú í rannsókn á ritstjórn miðilsins eftir því sem blaðamaður þar tjáði mbl.is í morgun.

Í viðtalinu sagði Harila að íslensk kona hefði sett sig í samband við hana og beðið hana um að klippa á taugina, en Harila stefnir á að klífa fjallið.

Frétt af mbl.is

Beðin að klippa á taug Johns Snorra

Tekið ákvörðun strax í upphafi

Harila sagðist hafa ákveðið að reyna eft­ir megni að verða við beiðninni en benti um leið á að til­tækið væri ekki án áhættu. Hætta væri á að klifr­ar­ar neðar í fjall­inu yrðu fyr­ir lík­inu þegar það losn­aði úr taug­inni og rynni niður fjalls­hlíðina.

„Mig langar að æla yfir því hvað fólk er sjúkt þegar kemur að athygli. Ég hef aldrei talað við þessa konu eða sent önnur eins skilaboð!“ skrifar Lína Móey í Facebook-færslu. 

Hún greinir þar frá að fjölskyldan hafi tekið þá ákvörðun strax í upphafi að leggja ekki líf annarra í hættu til þess að ná niður líki Johns Snorra. 

Í júlí á síðasta ári var reynt að færa lík Johns Snorra en án árangurs. 

Frétt af mbl.is

Snjóflóðahætta fólgin í að færa lík Johns Snorra

Tengdar fréttir

John Snorri

Beðin að klippa á taug Johns Snorra

• Snjóflóðahætta fólgin í að færa lík Johns Snorra
• Ekki tókst að færa John Snorra
• Fundar með forsetanum á morgun
• Fjölskylda Johns Snorra lögð af stað til Pakistan

» Fleiri tengdar fréttir

• Blogga um frétt