Efling móttekið fyrirkall frá héraðsdómi
Setja bókamerki
Stéttarfélagið Efling tók á móti fyrirkalli frá Héraðsdómi Reykjavíkur um afhendingu á kjörskrá til afnota við atkvæðagreiðslu miðlunartillögu ríkissáttasemjara í dag.
Þetta kemur fram í tilkynningu á vef Eflingar.
„Með því að leggja fram umrædda aðfararbeiðni í stað þess að sjá sóma sinn í að víkja af braut augljósra mistaka hefur embætti ríkissáttasemjara kosið að sökkva sér dýpra ofan í fen eigin drambsemi. Efling mun standa gegn lögbrotum og átroðslu embættis ríkissáttasemjara af fullum þunga, og verja samningsrétt verkafólks,“ segir í tilkynningunni.
Þá segir að Efling telji að ríkissáttasemjari hafi misnotað valdheimildir embættisins og kastað rýrð á það hlutleysi sem sé grundvöllur trúverðugleika embættisins.
Ekki hefur náðst í Sólveigu Önnu Jónsdóttur, formann Eflingar, vegna málsins.
Frestar skerðingum fyrir norðan og austan
Mjög dýrt að tryggja landamærin
Óvissustigi á Vestfjörðum aflýst
Umræðan var óþægileg fyrir Þórð og flokkinn allan
Ekki eins og jólasveinn á hreindýrssleða
Greiningarmiðstöð hluti af 13 landamæraaðgerðum
