Mál hjúkrunarfræðings á dagskrá í næsta mánuði
Setja bókamerki
Tengdar fréttir
Manndráp á Landspítalanum til rannsóknar
Aðalmeðferð í máli þar sem hjúkrunarfræðingur er ákærður fyrir manndráp í opinberu starfi verður í lok næsta mánaðar. Fyrirtaka í málinu fór fram í Héraðsdómi Reykjavíkur í morgun.
Hjúkrunarfræðingurinn var starfandi á geðdeild Landspítalans og er ákærður fyrir að hafa svipt konu á sextugsaldri lífi með því að hafa þröngvað ofan í hana næringardrykk á meðan henni var haldið niðri með þeim afleiðingum að hún kafnaði.
Við fyrirtökuna í morgun kom meðal annars fram að ekki hafi verið ákært á grundvelli endanlegrar matsgerðar heldur á grundvelli bráðabirgðamatsgerðar, en endanleg matsgerð liggur þó fyrir í dag.
Eitthvað virtust dagsetningar á matsgerðinni vera á reiki og var það nokkuð til umræðu við þinghaldið. Ekki hefur gefist mikill tími til gagnaöflunar, en frekari gagna verður aflað fyrir næstu fyrirtöku. Í kjölfarið er svo gert ráð fyrir að aðalmeðferð málsins verði 24. febrúar.
Verjandi ákærðu í málinu, Vilhjálmur H. Vilhjálmsson, hafði óskað eftir samantekt af gögnum sem fylgdu til saksóknara en þeirri beiðni var synjað.
Tengdar fréttir
Manndráp á Landspítalanum til rannsóknar
Viðreisn í mikilli sókn
Vonast eftir breiðri þverpólitískri sátt
Óvissustig á mörgum vegum
Mjög dýrt að tryggja landamærin
Par flutt á bráðamóttöku eftir árás
„Þetta er algerlega hans ákvörðun“
Frestar skerðingum fyrir norðan og austan
