„Það er öllum ljóst að það er hægt að vinna mikið tjón með þessu,“ segir Hörður Gunnarsson, framkvæmdastjóri Olíudreifingar, um fyrirhugað verkfall Eflingar um miðjan febrúarmánuð.

Frétt af mbl.is

„Grafalvarlegt mál fyrir þjóðarhagsmuni Íslands“

Rúmlega 20 félagsmenn í stéttarfélaginu keyra olíubíla fyrir Olíudreifingu.

„Það sjá allir að þegar eldsneyti og flutningar frá Örfirisey stöðvast verður mikið tjón úti í samfélaginu,“ bætir hann við, en þar er olíubirgðastöð fyrirtækisins staðsett. 

Hörður Gunnarsson.

Hörður segir málið háalvarlegt en ótímabært sé að tjá sig frekar um það á þessu stigi. Enn eigi eftir að skera úr um lögmæti verkfallsaðgerða Eflingar hjá Félagsdómi, auk þess sem niðurstaða atkvæðagreiðslu komi ekki fyrr en eftir helgi.

Kjör­stjórn Efl­ing­ar hef­ur boðað til at­kvæðagreiðslu um frek­ari verk­föll fé­lags­manna sem starfa hjá hót­el­um Reykja­vík Ed­iti­on og Berjaya (áður Icelanda­ir hotels) og hjá Sam­skipum, Ol­íu­dreif­ingu og Skelj­ungi.

At­kvæðagreiðslurn­ar hefjast á há­degi á föstu­dag­inn og munu standa til klukk­an 18 á þriðju­dag­inn eftir viku. Verði boðun verk­fall­anna samþykkt hefst vinnu­stöðvun á há­degi 15. fe­brú­ar og er hún ótíma­bund­in.

Tengdar fréttir

Kjaraviðræður

Skilja lítið í verkfalli og segja börnum mismunað

• Erfiðlega gekk að setja fund í borgarstjórn
• „Skapa ójafnræði og óréttlæti“
• Börnum mismunað: Kjaradeilan verði leyst án tafar
• „Það er engin ákveðin hreyfing í deilunni“

» Fleiri tengdar fréttir

• Blogga um frétt