Samtök atvinnulífsins telja boðaða vinnustöðvun Eflingar ólögmæta enda hafi miðlunartillaga verið lögð fram af hálfu ríkissáttasemjara í kjaradeilu SA og Eflingar.

Þetta kemur fram í stefnu SA á hendur Alþýðusambandi Íslands vegna Eflingar sem birt hefur verið á heimasíðu SA.

Óheimilt að hefja vinnustöðvun

Þá segir í stefnu SA að samtökin telji óheimilt að boða og hrinda í framkvæmd vinnustöðvun á meðan miðlunartillaga er í kynningu og atkvæðagreiðslu auk þess sem Efling hafi með ólögmætum hætti hindrað að atkvæðagreiðsla geti farið fram um miðlunartillöguna. Þannig geti niðurstaða um atkvæðagreiðslu um miðlunartillöguna ekki legið fyrir innan þeirra tímamarka sem ákveðin höfðu verið af ríkissáttasemjara.

Frétt af mbl.is

SA höfða mál gegn Eflingu fyrir Félagsdómi

Samtök atvinnulífsins skoruðu í dag á Eflingu að fresta boðaðri vinnustöðvun til nánar tiltekins tíma, eins og heimilt er samkvæmt lögum um stéttarfélög og vinnudeilur, og að hún myndi ekki koma til framkvæmda fyrr en í fyrsta lagi eftir að lögmætri atkvæðagreiðslu væri lokið um miðlunartillögu ríkissáttasemjara. Efling varð ekki við þeirri áskorun.

Frétt af mbl.is

Misbauð að horfa á Sólveigu fagna

Því hafa Samtök atvinnulífins þingfest mál fyrir Félagsdómi til viðurkenningar á ólögmæti boðaðrar vinnustöðvunar.

Málflutningur er ráðgerður næstkomandi föstudag.

Frétt af mbl.is

„Ég viðurkenni að ég hafði áhyggjur“

Í tilkynningu SA segir að samtökin skori á Eflingu að láta þegar af ólögmætum aðgerðum sem hindrað hafa lögbundinn rétt alls Eflingarfólks til að kjósa um miðlunartillögu ríkissáttasemjara, sem sé lögum samkvæmt ígildi kjarasamnings.

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir

• Blogga um frétt