Búið er að opna fyrir umferð um Hellisheiði og Þrengsli, að því er fram kemur á vef Vegagerðarinnar. Enn er lokað á milli Víkur og Jökulsárlóns en ófært er á milli Jökulsárlóns og Hafnar.

Þá er sömuleiðis lokað fyrir umferð um Mosfellsheiði og er vegurinn þar á óvissustigi til klukkan 9. Þá er Krýsuvíkurvegur sömuleiðis lokaður. Mjög hvasst er á Kjalarnesi og eru ökumenn varaðir við sandfoki.

Frétt af mbl.is

Hviður yfir 40 m/s við fjöll

Veðurviðvaranir eru enn í gildi í flestum landshlutum. Á Suður- og Suðausturlandi eru þær appelsínugular, en annars staðar eru þær gular.

Víða er ófært á Vesturlandi, hálka, hálkublettir og snjóþekja eru víðast hvar, og mjög hvasst.

Vegurinn um Öxnadalsheiði er einnig lokaður. Beðið er með mokstur vegna veðurs. Nýjar upplýsingar eru væntanlegar klukkan 10.

Hægt er að nálgast frekari upplýsingar um færðina inn á vef Vegagerðarinnar.

Tengdar fréttir

Veðraskil í janúar 2023

Lægðir á leiðinni og mjög viðkvæm staða í spám

• Hringvegurinn opnaður en varað við hálku og krapi
• Hringvegurinn lokaður á tveimur köflum
• Ófærðin mest í efri byggðum
• Nóttin róleg hjá björgunarsveitum

» Fleiri tengdar fréttir

• Blogga um frétt