Óvissustigi lýst yfir vegna ofanflóðahættu

Veðurstofan hefur lýst yfir óvissustigi á sunnanverðum Vestfjörðum vegna ofanflóðahættu, en óvissustigið tók gildi klukkan 4 í nótt, að segir í tilkynningu frá almannavörnum.

Frétt af mbl.is

Krapaflóð féll á Patreksfirði

Veðurspár gera ráð fyrir ákafri úrkomu á svæðinu, sem hófst sem snjókoma upp úr miðnætti en en hefur nú breyst yfir í rigningu Úrkomumagnið í spánni er svipað því sem var 26. janúar síðastliðinn þegar krapaflóð féllu ofan Patreksfjarðar, Bíldudals og í Arnarfirði. Í sama veðri féll vott snjóflóð á Raknadalshlíð í Patreksfirði.

Frétt af mbl.is

Hús verða ekki rýmd

Vegfarendur og ferðafólk er hvatt til að sýna aðgæslu á stöðum þar sem grjót getur fallið og nærri vatnsfarvegum í brattlendi þar sem krapaspýjur geta borist niður. Íbúar í húsum nærri farvegum með sögu um krapaflóð eru hvattir til þess að sýna aðgæslu og ekki dvelja að óþörfu nálægt farvegunum.

Frétt af mbl.is

„Fólki líður ekki vel með þetta“

Þá hafa íbúar í húsunum næst Geirseyrargili (Stekkagili) á Patreksfirði verið beðnir um að sýna aðgæslu og dvelja ekki í kjallaraherberjum með gluggum sem vísa upp í hlíðina á meðan mesta rigningin gengur yfir. Ekki þykir þó ástæða til að rýma húsin að svo stöddu.

• Blogga um frétt