Viðburðarík vika er fram undan í kjaradeilu Eflingar og Samtaka atvinnulífsins (SA). 

Frétt af mbl.is

Aðalmeðferð fyrir Félagsdómi lokið

Á morgun má vænta niðurstöðu í máli SA gegn Eflingu þar sem deilt er um lög­mæti ótíma­bund­ins verk­falls fé­lags­fólks Efl­ing­ar á sjö hót­el­um.

Ef dómurinn metur verkfallið ólögmætt verður ekkert úr verkfalli um 300 félagsmanna Eflingar á Íslandshótelum í Reykjavík sem á að hefjast á hádegi á þriðjudag. 

Varakrafa stefnu SA er á þá leið að Eflingu „sé óheimilt að láta verkfall, sem boðað var með bréfi 31. janúar 2023, koma til framkvæmda þar til eftir að niðurstaða liggur fyrir í atkvæðagreiðslu um miðlunartillögu ríkissáttasemjara“. 

Frétt af mbl.is

Þurfa að „vinna sig nánast í hel“ til að ná 893.000

Á þar við verkfallsboðanir félagsmanna Eflingar sem starfa á hótelkeðjum og í vörubílaakstri og olíudreifingu. Þar er um 570 manna hóp að ræða sem greiðir nú atkvæði um verkfall. Þeirri atkvæðagreiðslu lýkur kl 18 á þriðjudag. 

Því má gera ráð fyrir að Félagsdómur taki afstöðu til lögmæti miðlunartillögu ríkissáttasemjara sem var lögð fram 27. janúar, þar sem að samkvæmt stefnu SA er ekki hægt að fara í verkfall fyrr en búið er að greiða atkvæði um miðlunartillöguna. 

Ekki er hægt að áfrýja niðurstöðu Félagsdóms. 

Málsaðilar vildu ekki tjá sig 

Þá er niðurstöðu Héraðsdóms Reykjavíkur einnig að vænta í vikunni vegna máls ríkissáttsemjara gegn Eflingu. 

Rík­is­sátta­semj­ari leit­aði at­beina héraðsdóms til að fá af­henta kjör­skrá Efl­ing­ar vegna at­kvæðagreiðslu um miðlun­ar­til­lög­una.

Frétt af mbl.is

Munu áfrýja ef dómur fellur ekki þeim í vil

Sólveig Anna Jónsdóttir, formaður Eflingar, sagði í þætt­in­um Sprengisandi á Bylgj­unni í morg­un að hún gerði ráð fyrir að áfrýja því máli ef héraðsdómur kemst að þeirri niðurstöðu að Efling þurfi að afhenda skrána. 

Þriðja dómsmálið í deilunni er einnig hjá héraðsdóm en í því máli stefnir Efling ríkissáttasemjara og krefst ógildingar á miðlunartillögunni. Stefnan var lögð fyrir héraðsdóm á föstudag og óskaði stéttarfélagið eftir flýtimeðferð. 

Frétt af mbl.is

Efling snýr sér til héraðsdóms

Hvorki Halldór Benjamín Þorbergsson, framkvæmdastjóri SA, né Aðalsteinn Leifsson ríkissáttasemjari vildu tjá sig um stöðu mála við mbl.is síðdegis í dag. Þá náðist ekki í Sólveigu Önnu Jónsdóttur, formann Eflingar. 

Tengdar fréttir

Kjaraviðræður

„Ég tek það hins vegar líka til mín“

• Á þessu stranda samningar í kjaradeilu kennara
• Myndskeið: Mótmæli kennara berast inn í þingsal
• Úrskurðurinn gerði illt verra: Staðan „mjög döpur“
• Félagsdómur klofnaði í máli kennara

» Fleiri tengdar fréttir

• Blogga um frétt