Ríkislögreglustjóri í samráði við lögreglustjórana á öllu landinu hafa lýst yfir óvissustigi Almannavarna vegna veðurs sem framundan er. 

Ákveðið var á samráðsfundi Almannavarnadeildar ríkislögreglustjóra í dag að samhæfingarstöð Almannavarna verði virkjuð klukkan 5 í fyrramálið.

Appelsínugul viðvörun Veðurstofunnar tekur fyrst gildi klukkan 6 í fyrramálið á vesturhelmingi landsins og klárast síðast á Austfjörðum, klukkan 13.30, þegar veðrið hefur að mestu gengið yfir.

Frétt af mbl.is

Appelsínugul viðvörun í gildi í fyrramálið

„Almannavarnir biðla til almennings um að ganga frá lausamunum til að fyrirbyggja foktjón. Einnig er mikilvægt að byggingarfyrirtæki hugi að sínum svæðum og geri viðeigandi ráðstafanir til að koma í veg fyrir og draga úr tjóni. Miklar líkur eru á að veðrið muni hafa áhrif á samgöngur og eru vegfarendur beðnir um að vera ekki á ferðinni að óþörfu á þeim svæðum þar sem veðrið er verst hverju sinni. Fólki bent á að sýna varkárni og fylgjast með veðurspám,“ segir í tilkynningu frá Almannavörnum.

Tengdar fréttir

Frost á Fróni

Kaldasti vetur aldarinnar

• Viðvaranir gætu verið í gildi fram á miðvikudag
• Snjólögin veik um þessar mundir
• Snjóflóð fallið og varað við frekari hættu
• Óvenju löng kuldatíð í Skagafirði

» Fleiri tengdar fréttir

• 1 blogg um fréttina

Bloggað um fréttina

• Benedikt V. Warén: Gular viðvaranir fyrir Egilsstað þýðir bara eitt