Íslendingar hvattir til að hafa samband
Setja bókamerki
Utanríkisráðuneytið birti í morgun tilkynningu þar sem Íslendingar á vettvangi jarðskjálftans sem varð í Tyrklandi í morgun voru hvattir til að hafa samband við borgaraþjónustu ráðuneytisins ef þeir þurfa á aðstoð að halda, eða að láta aðstandendur vita ef þeir eru heilir á húfi.
Ráðuneytið hefur ekki upplýsingar um Íslendinga á þeim svæðum sem hafa orðið verst úti eftir skjálftann, að sögn Sveins Guðmarssonar, upplýsingafulltrúa í utanríkisráðuneytinu.
Samkvæmt Þjóðskrá Íslands voru 16 Íslendingar búsettir í Tyrklandi á síðasta ári.
Sérfræðingar í startholunum
Aðspurður segir Sveinn að Ísland sé eins og jafnan reiðubúið til að aðstoða á vettvangi. Íslenskir sérfræðingar á sviði samhæfingar við leit og rústabjörgun eru á viðbragðslista Sameinuðu þjóðanna og þeir eru í startholunum ef krafta þeirra verður óskað. Íslensk stjórnvöld myndu standa straum af kostnaði við það.
Utanríkisráðuneytið hefur einnig haft samband við Rauða krossinn um að sendifulltrúi þeirra fari á vettvang, verði óskað eftir því.
Engar vísbendingar um að kvika sé á leiðinni upp
Pyntuðu mann í tvo tíma í Vatnagörðum
Vildu yfirráð Íslands á Grænlandi
Skella skuldinni á Búseta
Gjörónýt eftir brunann
Íslensk fjölskylda í LA: „Algjört neyðarástand“
Ökumaðurinn ákærður fyrir manndráp af gáleysi
Myndskeið: „Engin leið“ að ná tökum á eldunum