Tyrknesk yfirvöld hafa þegið boð Íslendinga um aðstoð vegna jarðskjálftanna sem riðu yfir í gærmorgun. Slysavarnafélagið Landsbjörg sendir sérfræðinga til hjálpar við leit. Þetta kemur fram í tilkynningu frá Landsbjörg. Þar segir að níu manna hópur verði sendur á svæðið. Er sveitin ein af 80 alþjóðlegum sveitum sem boðið hafa fram aðstoð sína eftir hamfarirnar sem riðið hafa yfir svæðið. 

„Slysavarnafélagið Landsbjörg, ásamt utanríkisráðuneytinu, hóf þegar í gærmorgun undirbúning þess að senda hóp til aðstoðar, og nú liggur fyrir að níu manna hópur mun fljúga til Tyrklands með TF-SIF, flugvél Landhelgisgæslunnar eftir hádegi í dag.

Hópurinn samanstendur af sérfræðingum í aðgerðastjórnun og samhæfingu aðgerða, sem mikil þörf er á á svæðinu, en þegar þetta er skrifað hafa um 80 alþjóðlegar sveitir boðað komu sína á hamfarasvæðið.

Sjö daga viðvera 

Sólveig Þorvaldsdóttir leiðir íslenska hópinn en hún hefur afar mikla reynslu af stýringu og samhæfingu aðgerða í alþjóðlegum aðgerðum. Sólveig tók þátt í æfingu fyrir hamfarir af svipuðum toga í Tyrklandi síðasta haust.

Sólveig Þorvaldsdóttir leiðir íslenska hópinn í Tyrklandi. Ljósmynd/Landsbjörg

Einnig eru í hópnum verkfræðingar, læknir og búðastjóri.

„Íslenski hópurinn fer á svæðið, undirbúinn fyrir að vera við störf í sjö daga,“ segir í tilkynningu frá Landsbjörg. 

Tengdar fréttir

Jarðskjálfti í Tyrklandi 2023

14.500 milljarða tjón

• Yfir 14.000 milljarða tjón
• Einn látinn og tugir slasaðir eftir skjálfta
• Yfir 180 handtökuskipanir vegna skjálftans
• 100 tonn af neyðarbirgðum til Tyrklands

» Fleiri tengdar fréttir

• Blogga um frétt