Bílar Viðskiptaþingsgesta dregnir í burtu

Viðskiptaþing Viðskiptaráðs Íslands fer nú fram á Hótel Nordica við Suðurlandsbraut. Fjölmennt er á þinginu að venju og löngu uppselt. Það fjölmennt var að öll bílastæði hótelsins fylltust fljótlega og jafnvel stæði í nágrenninu.

Þegar ljósmyndara mbl.is bar að garði hafði greinilega verið gerð athugasemd við hvernig sumir höfðu lagt, því starfsmaður Vöku var mættur til að draga í burtu bíla, líkt og sjá má á meðfylgjandi myndum.

Bílar dregnir í burtu við Viðskiptaþing. mbl.is/Eggert Jóhannesson

Andrés Jónsson á þinginu í dag. mbl.is/Eggert Jóhannesson

Andrés Jónsson almannatengill vakti athygli á því á samfélagsmiðlum að fundarstjóri þingsins, Svanhildur Hólm, hefði spurt ráðstefnugesti hversu margir hefðu mætt með almenningssamgöngum í dag.

Fáir hefðu rétt upp hönd.

Andrés Jónsson upplýsti að fáir hefðu rétt upp hönd á viðskiptaþingi þegar spurt var um notkun á almenningssamgöngum. Skjáskot

• Blogga um frétt