Forsvarsmenn Eflingar og ríkissáttasemjara skrifuðu undir samkomulag í dag, þess efnis að aðfararbeiðni ríkissáttasemjara til að sækja kjörskrá Eflingar verður frestað fram að niðurstöðu Landsréttar um úrskurðinn sem kveður á um heimildina til aðfarar.

Þetta staðfestir Sigríður Kristinsdóttir, sýslumaður á höfuðborgarsvæðinu, við mbl.is.

Frétt af mbl.is

Skila greinargerðum fyrir Landsrétt í dag

Samkomulagið var fært í gerðarbók sýslumanns og ætla báðir málsaðilar að skila inn greinargerðum vegna kærða úrskurðarins í dag.

Búist er við skjótri málsmeðferð og telja þeir sem vel þekkja til að niðurstaða gæti legið fyrir snemma í næstu viku. 

Frétt af mbl.is

Sleppir aðför og bíður eftir úrskurði Landsréttar

Verður ekki kært til Hæstaréttar

Aðalsteinn Leifsson ríkissáttasemjari segir í samtali við mbl.is að í samkomulaginu skuldbindi báðir aðilar sig til þess að una úrskurði Landsréttar. 

Efling skuldbindur sig til að afhenda eða gera aðgengilegar skrár með nöfnum og kennitölum allra atkvæðabærra félagsmanna um miðlunartillögu ríkissáttasemjara í kjaradeilum Eflingar og Samtaka atvinnulífsins, falli úrskurður Landsréttar á sama veg og Héraðsdóms Reykjavíkur á mánudaginn var. 

Eflingu er veittur skammur fyrirvari til að afhenda kjörskrána. Þá er aðfarargerð að beiðni ríkissáttasemjara frestað.

Tengdar fréttir

Kjaraviðræður

Kennarar og læknar í Karphúsið að nýju klukkan níu

• Vonir bundnar við morgundaginn
• „Ekki úr háum söðli að detta“
• Hjúkrunarfræðingar samþykkja samning
• Fundur hafinn hjá kennurum, ríki og sveitarfélögum

» Fleiri tengdar fréttir

• Blogga um frétt