Katrín Jakobsdóttir forsætisráðherra segir að málflutningur eins og hjá Eflingu fyrir utan Ráðherrabústaðinn í dag, þar sem stór orð voru látin falla, þjóni engum tilgangi. Bjarni Benediktsson fjármála- og efnahagsráðherra var þar meðal annars kallaður rasisti.

Efl­ing efndi til mót­mæla fyr­ir utan Ráðherra­bú­staðinn við Tjarn­ar­götu í dag á meðan rík­is­stjórn­ar­fundi stóð og sat fyr­ir ráðherr­um. 

Frétt af mbl.is

Myndskeið: Stóðu fyrir Bjarna og kölluðu rasista

„Þau stóðu þarna að mótmæla fyrir utan Ráðherrabústaðinn og ég var að tala við fjölmiðla. Þegar ég ætlaði að yfirgefa húsið þá voru þau komin á dyraþrepið svo ég ákvað bara að bjóða þeim inn í húsið ef þau ættu eitthvað vantalað við mig,“ segir Katrín í samtali við mbl.is.

„Ég hlustaði á þeirra málflutning og svo kvöddumst við. Það var ekkert ákveðið á þessum fundi.“

Katrín segir málið vera í ákveðnu ferli hjá dómstólum og það liggi fyrir að ef aðilar deila um það hvort það sé verið að brjóta lög vegna verkfalla sé Félagsdómur rétti aðilinn til að leita til.

Frétt af mbl.is

Harma ofstækisfulla orðræðu og hvetja til stillingar

Stór orð látin falla

Katrín segir það vera ljóst að ýmiss stór orð hafi verið látin falla fyrir utan Ráðherrabústaðinn í dag en hún hafi ekki verið vitni að því.

„Ég vil taka undir með miðstjórn ASÍ sem hvetur til hófstillingar. Ég held að svona málflutningur þjóni engum tilgangi,“ segir Katrín.

„Ég hef sagt það margoft að ég styð rétt fólks til þess að berjast fyrir bættum kjörum. Að kalla fólk ókvæðisorðum er ekki rétta leiðin til þess.“

Frétt af mbl.is

Bjarni: Fráleitt og til skammar

Tengdar fréttir

Kjaraviðræður

Samið um 3,5% launahækkun

• Læknar samþykkja nýjan kjarasamning
• Virðing reyni að blekkja almenning og fjölmiðla
• Of snemmt að spá fyrir um hvort samningar náist
• Segja kjarasamninginn andstæðan lögum

» Fleiri tengdar fréttir

• Blogga um frétt