Kristján Þórður Snæbjarnarson, forseti ASÍ, segist að sjálfsögðu ætla að þiggja boð um að mæta í verkfallsvörslu með Eflingu.

Frétt af mbl.is

Málflutningur Eflingar þjónaði engum tilgangi

Í facebookfærslu greinir hann frá því að þrjár ályktanir hafi verið samþykktar á fundi miðstjórnar ASÍ á miðvikudag. Sú fyrsta snýst um að lýst er yfir fullum stuðningi við verkföll Eflingar og beinir miðstjórnin til félagsfólks að ganga ekki í störf félagsfólks stéttarfélagsins.

Í annarri ályktun „harmar Miðstjórn þá neikvæðu orðræðu sem finna má víða, m.a. á samfélagsmiðlum og leitt hefur til þess að hótanir hafa borist starfsfólki og forystufólki í hreyfingunni. Miðstjórn fordæmir slíka framgöngu. Þeirri ályktun er ekki beint að samninganefnd Eflingar“, segir Kristján Þórður í færslunni.

Hann kveðst að lokum styðja baráttu Eflingar fyrir bættum kjörum.

„Ég hef boðið fram aðstoð mína og mun að sjálfsögðu þiggja gott boð um að mæta í verkfallsvörslu með félögum mínum í Eflingu.“

Tengdar fréttir

Kjaraviðræður

Myndskeið: Mótmæli kennara berast inn í þingsal

• Úrskurðurinn gerði illt verra: Staðan „mjög döpur“
• Félagsdómur klofnaði í máli kennara
• Ekki sérstaklega bjartsýn fyrir fund dagsins
• Telur dóminn ekki hafa áhrif á viðræður

» Fleiri tengdar fréttir

• Blogga um frétt