Ástráður Haraldsson héraðsdómari hefur verið settur sem ríkissáttasemjari í yfirstandandi vinnudeilu Eflingar og Samtaka atvinnulífsins. 

Stjórn dómstólasýslunnar hefur samþykkt að veita Ástráði leyfi frá dómarastörfum og hefst leyfið nú þegar.

Þetta kemur fram í tilkynningu Stjórnarráðsins.

Aðalsteinn Leifsson ríkissáttasemjari óskaði eftir því að fá að víkja í yfirstandandi kjaradeilu Eflingar og SA og varð Guðmundur Ingi Guðbrandsson, félags- og vinnumarkaðsráðherra, við þeirri beiðni. 

Aðalsteinn Leifsson gegnir eftir sem áður embætti ríkissáttasemjara. Störf Ástráðs Haraldssonar munu einvörðungu snúa að ofangreindri vinnudeilu.

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir

• Blogga um frétt